Amed (Rûdaw) ? Bi sedan endamên Sendîkaya Karmendên Buroyê (BES), ji bo şermezarkirina budçeya sala 2013?an çalakiya devberdana ji kar kirin. Karmendan bal kişand ji leşkeran re budçeyeke zêde hatiye veqetandin û xwest ev budçe paşve bê kişandin. 

Bi sedan karmendên BES?ê, bi dirûşma ?Jiyaneke mirovane mûçeyeke mirovane? nîv roj dev ji kar berdan. Karmendan li ber Midûriyeta Ewlehiya Civakî ya Amedê (SGK) ji bo şermezarkirina budçeya 2013?an govend girtin, tilîlî kişandin û daxuyaniyek dan çapameniyê. Platforma Şaxan a KESK?ê jî piştgirî da vê çalakiyê. Li ser navê karmendan Serokê Haber-Sen?a Amedê Saît Baran axivî. Baran, destnîşan kir ew ê li dijî şer, rant, talan û budçeyê dakevin qadan û dê dengê xwe bilind bikin. Piştre Sekreterê BES?a Amedê Şoreş Matlaş axivî. 

'Em vê budçeyê qebûl nakin'

Matlaş, bal kişand budçeya sala pêşiya me bêyî daxwaz û nêrîna karmendan hatiye amadekirin û wiha got: ?Hikûmeta budçeya 2013?an li gorî daxwazên  dewlemendan amade kiriye. Dixwazin zirarên qeyrana aborî û şer careke din li ser pişta me karmend û karkeran derxin. Em vê budçeyê qebûl nakin û divê ev budçe demildest paşve bê kişandin.?

Matlaş, bal kişand baca ku ji hejar û dewlemendan tê wergirtin yek e û xwest di bacê de rê û rêbazeke dadyane û wekhev bê dîtin.